Bedienings in Ahavah Gemeente

Jesus noem ons die liggaam van Christus in 1 Korintiërs 12, ʼn liggaam het verskillende lede en elke lid het verskillende funksies.  Die hele liggaam funksioneer effektief wanneer die lede in die liggaam elkeen sy eie funksie optimaal uitvoer.

Ahavah Familiekerk glo dat nie een lid belangriker as die volgende lid is nie, ook dat die gemeente slegs effektief kan funksioneer indien elke lid van die gemeente ook sy/ haar geestelike gawes gebruik om die liggaam van Christus te laat funksioneer. Ons is bedienings is gawe georiënteerd ingedeel volgens die Gawes van  die Heilige Gees.

Wil jy deel word van ʼn spesifieke bediening?
Wil jy jou Geestelike Gawes uitleef?
Wil jy help om die Liggaam van Christus meer effektief te laat funksioneer?
Ontdek jou Geestelike Gawes (Klik hier – Om dokument af te laai)

Wanneer jy die Gawe toets voltooi het, kan jy die uitslae e-pos aan Marisa (admin@ahavah.org.za) laat sy dan indien nodig ʼn onderhoud met die kerkkantoor vir jou reël sodat ons jou kan help om ʼn bediening te vind wat jou gawes, talente, persoonlikheid en belangstellings pas.

Lys van bedienings wat tans funksioneer by Ahavah Familiekerk.

Om gasvry en liefdevol op te tree teenoor Lidmate en besoekers sodat hul die liefde van Jesus kan ervaar deur die volgende bedienings.  Al hierdie bedienings het ‘n Leier met ‘n span lidmate wat deur middel van ‘n rooster mekaar aflos.

Dekor – Is jy kreatief of hou jy van alles wat mooi is?, Hier is net die plek vir jou.  Hier kan jy jou kreatiwiteit sowel as liefde vir die mooi in die lewe uitleef.

Verwelkoming – As Jesus se liefde uit jou borrel, kom deel saam in hierdie bediening waar jy ons Lidmate met liefde verwelkom.

Koffie en Tee – ‘n Lekker koppie koffie of tee gaan beslis gepaard met goeie geselskap.  Kom help ons om dit moontlik te maak vir elke Lidmaat op ‘n Sondag

Sakramente – Nagmaal is ‘n belangrike deel van ons bediening. Kom help ons  met die skink en bediening van ons Nagmaal elke einde van ‘n maand

Om die “gebou” voor te berei Sondae met effektiewe klank, beligting en mutimedia, sodat lidmate en besoekers ʼn positiewe ervaring kan beleef gedurende die diens

Crew – Hierdie span help om al die kabels vir ons orkes sowel as beligting uit te sit en seker te maak alles verloop vlot gedurende die lofprysing.  Hulle help ook met die voorbereiding van die saal, bv stoele regpak, swaar dekor uit te sit ens.

iTafel – Ons iTafel is waar Gemeente lede die nodige inligting rakende die gemeente of funksies kan bekom.  As jy spontaan is en ‘n liefde het vir lekker klets is hierdie bediening so reg in jou kraal.

Sekuriteit –  Dis belangrik om seker te maak ons Lidmate se voertuie veilig is terwyl hulle die diens bywoon.

Klank – Hierdie span speel ’n groot rol gedurende ons lofprysing.  Elke lid wat hier betrokke raak gaan deur ’n kort opleidingskursus wat deur ons klankingenieurs aangebied word. As jy hou van musiek en die afronding daarvan om alles mooi te laat klink moet jy beslis deel word van hierdie span

Multimedia – Ons multimedia span help met die opslaan en afslaan van die toerusting wat gedurende die diens gebruik word. Sowel as die invoer van data op Song Show Plus en dan ook gedurende die diens word daar gehelp met die preek se beeld materiaal en lofprysing liede.

Orkes en Sang – Het jy die talent om musiek te maak? Hou jy van Sing? Hier is jou kans. Kom vir ’n oudisie en word dan so deel van ons Lofprysings groep.  Kunstenaars verskaf hul eie instrumente en benodigdhede.

Ons Toerusting Bedienings is om die gemeentelede toe te rus om geestelik te groei en mekaar te versorg in liefde

Omgeegroepe – As jy smag daarna om ‘n dieper EGTE verhouding met God en mens te bou kan jy hier begin. Ons Omgeegroepe is nie net ‘n plek waar jy Geestelik kan groeie saam mede lidmate nie maar ook waar mede lidmate vir mekaar omgee en ondersteun.  Ons lewe in ‘n onsettende vinnige tyd as jy jou nie dwing om rustig te raak nie, gaan die lewe by jou verby vlieg. Word deel van ‘n Omgeegroep en koop die tyd uit om Geestelik te groei maar ook Geestelike verhoudings te bou.

Manne – Of jy nou ’n jong man, ‘n pappa, Oupa of  Oupagrootjie is, hier gaan jy lekker kuier oor man wees, pa wees en daar wees vir mekaar.

Vroue – Die dames speel ‘n groot rol in ons Gemeente.  Hulle help met elke funksie, & fondsinsameling. As jy hou van dek, dekor, kos maak of reëlings tref, ons het jou nodig. Kom kuier ook lekker saam terwyl daar spesiale geleenthede vir ons Dames gereël word.

Weduwee/Wewenaar–  Om iemand aan die dood af te staan is ‘n moeilike en soms alleen pad.  Met hierdie bediening wil ons graag bystand en hulp bied aan ons lidmate wat deur ‘n moeilike tyd gaan.

Baba Oppassers – oppas van kinders onder 2 gedurende dienste

Kleuter Bediening – Bediening van kinders 2-5 jaar

Laerskool – Bediening van kinders Graad 1-7

Hoërskool – Bediening van kinders van Graad 8-12

Leier van Ahavah Kinder Bediening – Shaun Kritzinger – Jeugleier

Voorbidders – Mense wie ʼn passie het om vir ander in te tree in gebed, wat voorbidding doen vir die behoeftes van mense in en om die gemeente – Leier: Daan Dreyer

Om bystand en liefde betoon aan mense in nood.  Versorging van siek mense, hospitaal besoeke, bystand aan armes en hulpbehoewende persone. Versorging vind plaas na liggaam siel en gees – Leier: John Cloete

  1. Omgewing – Uitreik na minder bevoorregte mense en groepe in ons omgewing, die verkondiging van die “Goeie Nuus” aan almal in en om ons, ondersteuning te bied aan Gideons m.b.t. verspreiding van Bybels.
  2. Wêreld – Uitreik na mense buite ons omgewing en wêreldwyd.
  • Lamppost Ministry – Ontwerp, druk en opsit van plakkaarte om die evangelie te verkondig in ons omgewing

Leier: AJ Wohlfahrt

Finansies  Om die finansies van die gemeente verantwoordelik te bestuur.  Dit sluit in om ʼn Finansiële kommissie te hê wie begrotingbeheer toepas, advies gee aan die bestuur, en leierskap m.b.t. finansiële besluite asook die goedkeuring van die begroting van die gemeente – Leier: Gerrie van Niekerk

Informasie Tegnologie / Bemarking  Ontwerp van blaadjies, print van blaadjies, website updates, bemarkingsveltogte (bv. spesiale dienste ens), Banners, Borde en enige bemarkingsmateriaal – Leier: Santie van Jaarsveld